Зошто времето на Apple уредите е секогаш 9:41?

Дали некогаш сте забележале дека на сите реклами за Apple уредите, времето на телефоните и компјутерите не се менува, односно секогаш е 9:41?

Ова не е случајно одбрано време, ниту пак е визуелен трик кој ќе ви го одвлече вниманието.

Всушност, оригиналното време кое беше поставено првите неколку години беше 9:42, времето кога првиот iPhone беше претставен во 2007-ма година.

Промената во 9:41 беше направена по претставувањето на првиот iPad, за да се поклопува со времето кога тој беше презентиран пред јавноста.

Оттогаш, времето е непроменето на сите компјутери, таблети и смартфони, со исклучок на Apple часовникот.

М. Д. | Црнобело