Маж од Австралија добил на лото 2 милиони долари – како мала расправија со сопругата го направила милионер?

Детали

четврток, 16 март 2023

„Сопругата ми се налути затоа што заборавив да го уплатам лото ливчето“ – вака ја започнува приказната мажот во Австралија кој успеал да освои по еден милион долари на две ливчиња. Тој раскажува како по расправијата со сопругата станал милионер.

Пар од Австралија успеал да освои лото добивка од вкупно 2 милиони австралиски долари во една недела, откако уплатиле две ливчиња со истите броеви.

Новопечените милионери сакаат да останат анонимни, но за австралиските медиуми ја раскажаа приказната како една расправија меѓу нив довела до тоа да освојат двојна добивка.

„Навистина е смешна приказната за тоа како уплативме две ливчиња со истите броеви. Заборавив да го уплатам лото ливчето на сопругата минатата недела и таа ми беше лута.

Па оваа недела за да ѝ се оддолжам, уплатив две ливчиња со броевите што вообичаено ги заокружува“ – раскажува мажот.

На овој маж не му се верува дека имале толку голема среќа да освојат милионска добивка на две ливчиња.

„Утрово таа ги заокружуваше броевите на нејзиното ливче кои се добитни и кога сфативме дека освоивме 1 милион на едното ливче, помислив дека е добро да ѝ кажам дека имаме уплатено уште едно исто ливче“ – вели тој.

Парот сега е побогат за 2 милиони долари, а велат дека со тоа им се остварил сонот да обезбедат поубава иднина за нивните деца и внуци.

Б. С. Б. | Црнобело