„Чистев по 5 часа на ден, животот како млада мајка ми се претвори во кошмар“

Детали

вторник, 21 февруари 2023

„Постојано плачев, моето ментално здравје почна да страда, чувствував анксиозност и не можев да се релаксирам. Едноставно, дојдов до степен да го презирам мојот живот, дури почнав да си ја уништувам врската со мојот сопруг...“, споделува Ејнџел Сак (25) од Велика Британија.

Ејнџел Сак (25) од Велика Британија по раѓањето на нејзината ќерка Евелин во 2020 година и синот Џексон во 2021 година вели дека животот ѝ се претворил во кошмар, откако се опседнала со хигиената во нејзиниот дом.

Таа била убедена дека тоалетот е многу нечист за нејзините деца да го користат и минувала часови и часови во чистење. Неретко имало денови во кои чистела и по 5 часа без прекин.

„Постојано плачев, моето ментално здравје почна да страда, чувствував анксиозност и не можев да се релаксирам.

Едноставно, дојдов до степен да го презирам мојот живот, дури почнав да си ја уништувам врската со мојот сопруг Конор. На моменти дури посакував да немам деца воопшто.

Како некој глас во мојата глава постојано да ми кажуваше дека сè е нечисто, дури и моите деца, па обидувајќи се да го средам тоа сфатив дека не минувам доволно квалитетно време со моите деца.

Во јуни 2021 конечно одлучив да поразговарам со психолог, а си отворив и Инстаграм профил каде отворено говорам за сè и не се чувствувам толку осамена. Се поврзувам со други мајки и споделувам сè со нив.

Сега, сум бремена повторно и во јуни 2023 ќе го добијам своето трето дете. Имам тешки мигови и се чувствувам нервозно на моменти. Но, целата оваа борба е долг процес и сето ова го споделува јавно за сите млади мајки да знаат дека се случува секому и дека не се луди.

Зборувајте отворено и побарајте помош.“

https://www.instagram.com/p/CdyfHfHLdFm/?hl=en

С. С. | Црнобело