Сопругот на најпознатата италијанска инфлуенсерка на операција на 1-иот роденден на ќеркичката - најави со солзи во очите

Детали

среда, 23 март 2022

„За жал, имам здравствен проблем за кој ме чека важен пат, кој мора да го изодам. Благодарение на моите две ѕвезди (двете деца) кои успеваат да креираат магија, без да се свесни за тоа, добивам сила за да се соочам со сето ова...“, кажа Федез пред денешната операција, токму на првиот роденден на неговата ќерка. Со Кјара Ферањи се родители на Виториа и Леоне.

Сопругот на најпознатата италијанска инфлуенсерка Кјара Ферањи, италијанскиот музичар Федез, денес (23.03) имаше операција на абдомен, токму на првиот роденден на нивната ќерка Виториа.

Кјара денес објави прекрасни семејни фотографии со огромна роденденска торта на кои е и Федез, но откри дека тие се направени неколку дена пред роденденот, затоа што нејзиниот сакан во моментот е во болница и закрепнува.

32-годишниот рапер со видео на социјалните мрежи пред една седмица објави дека има сериозен здравствен проблем, но дека подоцна ќе објасни за каква болест станува збор и кој третман му е потребен.

Тој најави дека го чека навистина важен ден, мислејќи на денешната операција.

Во неговото видео обраќање тој кажа:

„За жал, имам здравствен проблем за кој ме чека важен пат, кој мора да го изодам“.

Потоа ѝ се заблагодари на сопругата Кјара, како и на целото семејство, за безрезервната поддршка.

Тој им се обрати и на децата: „Благодарение на моите две ѕвезди кои успеваат да креираат магија, без да се свесни за тоа, добивам сила за да се соочам со сето ова.“

Кјара и Федез имаат две деца и се еден од најпознатите италијански парови. Синот Леоне има 4 години, а ќерката Виториа токму денес наполни една.

Постојано земаат учество во хуманитарни акции и во време на строгите карантини поради корона вирусот во Италија, на секој можен начин се обидуваа да ги охрабрат и развеселат своите сограѓани.

Се надеваме на брзо и успешно закрепнување на музичарот.

Роденденските фотографии, направени пред неколку дена, а објавени денес:

На следната страна повеќе фотографии од прекрасното семејство...