Торнадо го опустоши југоисточниот дел на Чешка – има жртви и повредени (фото+видео)

Детали

петок, 25 јуни 2021

Низ неколку села во југоисточниот дел на Чешка имаше торнадо кое зема три животи и повреди повеќе од 100 луѓе. Според локалните жители, по торнадото, најпогодените места изгледале како воена зона.

По пустошот биле испратени спасувачки екипа од целата држава, а стигнала помош и од соседните држави Австрија и Словачка. Според метеоролозите, торнадото најверојатно достигнало брзина и до 332 километри на час.

Најпрво 63 луѓе биле однесени во болница, од кои тројца починале. За жал, сега се проценува дека има над 100 повредени, а голема е веројатноста да има и други бидејќи спасувачките екипи уште бараат низ урнатините.

BREAKING: Tornado causes major damage in the Czech Republic https://t.co/TdSm87Z4gG

— BNO News (@BNONews) June 24, 2021

Според градоначалникот на една од погодените области, торнадото уништило половина село:

„Црквата остана без кула, основното училиште нема покрив, а од некои куќи останаа само ѕидовите“.

Торнадото предизвикало и застој во сообраќајот, како и проблеми со далноводите, па над 100.000 домови останале без струја. Во областа е прогласена и вонредна состојба.

Според BBC, торнадата не се така ретка појава во Европа. Односно, на континентот се забележуваат стотина торнада секоја година. Јавноста воопшто не е свесна за повеќето од нив, бидејќи обично се формираат на ненаселени места.

Кога станува збор за Чешка, овде се нема појавено торнадо од 2018-та година.

Tezko verit, ze neni dusledek valky, ale tornada v Breclavi 😰 pic.twitter.com/aYbGLAjwye

— @Marketa Kutilova (@kutka18) June 24, 2021

Торнадата се појава забележана на секој континент, освен на Антарктикот, а „лидерот“ во оваа област е дефинитивно САД. Овде се забележуваат над 1.000 торнада годишно, кои се покатастрофални од кое било друго место.

Последиците од катастрофалното невреме во Чешка низ фотографии:

No ty vole pic.twitter.com/yVHJtU3ZgG

— Nedakoňský vidlák (@nedavidlak) June 24, 2021

Спирова С. | Црнобело