Банско им нуди бесплатен викенд на медицинските лица од првите борбени редови со COVID-19

Детали

четврток, 14 мај 2020

Најпопуларниот ски центар во Бугарија планира да ги награди медицинските лица со бесплатен ски викенд наредната зима, во знак на благодарност за она што го прават за нивната земја и граѓани.

Ски компанијата Ulen во соработка со општина Банско и различни хотелиери, сака да им овозможи бесплатен викенд-одмор на сите медицински лица во земјата кои се бореле во првите борбени редови за време на пандемијата.

Тоа вклучува бесплатно сместување во хотели, бесплатни оброци, бесплатни ски билети ако се потребни, бесплатни часови за скијање и бесплатно изнајмување на ски опрема.

„Преку оваа иницијатива сакаме да им покажеме благодарност на докторите, медицинските сестри, екипите од амбуланта и итна помош и волонтерите за нивната посветеност и храброст. Горди сме што ќе ги поддржиме медицинските лица кои работат повеќе од 2 месеца без одмор. Сакаме да ги угостиме кај нас како специјални гости.“ – изјави Иван Обрејков, маркетинг директор на Ulen.

Инаку, Банско беше едно од најтешко погодените места во Бугарија од вирусот, па заради тоа единствено таму имаше целосен карантин и беше целосно затворено.

Сега тој тежок период е надминат, па од ски центарот сакаат да им се оддолжат на здравствените работници за тоа што се нивни херои и заштитници – секоја чест!

На здравствените работници навистина им е потребен таков одмор и заслужуваат да бидат почестени според заслугите – пример за сите земји!

M. M. | Црнобело