Пеперутка застана на прстот на татко кој ѝ оддаваше почит на починатата ќерка

Детали

понеделник, 01 јули 2019

Овој татко верува дека саканите кои ни починале може да нè посетат во облик на пеперутки и токму затоа ова е една од најемотивните свадбени сцени.

Скот ван Гордер присуствуваше на свадбата на својот син Макс, но тој не уживал комплетно во денот поради тоа што пред неколку години во сообраќајна незгода ја изгубил својата ќерка Ванеса.

Во нејзина чест тој со својата сопруга пуштил портокалови пеперутки во воздух како симбол на воскреснувањето и претставување на животот.

И кога ѝ оддавал чест на неговата почината ќерка, една пеперутка слетала на неговиот прст, а другите слетале по облеката на младенците и гостите.

Официјалниот фотограф на свадбата изјави дека ова е еден од најемотивните свадбени мигови кои некогаш ги овековечил.

Токму вербата дека саканите кои ни починале може да нè посетат во облик на пеперутки им дава сила на Скот и неговата сопруга Елизабет да издржат.

Емотивни фотографии од свадбената церемонија:

С. С. | Црнобело