Модели кои ги рушат бариерите во модната индустрија

Детали

петок, 25 јануари 2019

Идејата за убавина во светот на модата полека почнува да се менува и храбри модели ги рушат бариерите.

Иако сè уште постојат стереотипи и верувања дека модели може да бидат само оние со совршено слабо тело и идеално лице без ниту еден недостаток, сепак работите поелка се менуваат.

Моделите како Вини Харлоу, со необични состојби на кожата сè почесто се во фокус на вниманието, а бариерите ги рушат и плус сајз моделите, како и оние со Даунов синдром или други нетипични состојби за модната индустрија.

Овие модели се доказ дека во животот ништо не треба да ве сопре кон остварување на целта:

Vivian Eyo-Ephraim

20-годишниот модел од Нигерија се бори за поголемо признание на плус сајз моделите со облини.

Вини Харлоу

Таа е првиот супермодел со витилиго кој прошета на пистата на Victoria’s Secret, а состојбата на кожата не ја спречува да си го оствари сонот.

Nyle DiMarco

Тој е модел кој е глув, активист е во заедница за глуви и луѓе со ослабен слух, победил во американско модно шоу, а на глувоста не гледа како на ограничување и успешно ја гради кариерата.

Џејми Бруер

Џејми има Даунов синдром, но тоа не ја спречи да прошета на модна писта и да биде пример за сите останати кои треба да го следат сонот.

Џилијан Меркадо

Џилијан пати од мускулна дистрофија која ѝ била дијагностицирана на 13 години, а додека растела фантазирала да биде дел од модната индустрија, но не гледала модели кои изгледале како неа на писта или модели во инвалидска количка на насловни страни.

Сепак, таа одлучила дека нејзина мисија ќе биде да ја направи таа промена и ги руши бариерите во овој свет.

М. М. | Црнобело