Кајли Џенер е најмладата личност помеѓу 100-те најплатени на Forbes

Детали

вторник, 13 јуни 2017

Кога сакаме да провериме кои од славните личности кои ги познаваме се најбогати, тоа ни текнува да го провериме преку листата на „Forbes“.

Од нив, едно лице оваа година посебно се истакнува - Кајли Џенер.

19-годишната Кајли е најмладата личност на оваа листа, која моментално е 59-та со 41 милиони долари заработка.

Кајли секако веднаш се пофали со тоа на социјалните мрежи:

wow woke up the youngest entry on the @Forbes 100 list .. 🙏

— Kylie Jenner (@KylieJenner) June 12, 2017

Инаку, таа не е единствениот член на семејството Кардашијан - Џенер кој можете да го сретнете на листата. Нејзината постара сестра, Ким е на 47-то место со заработка од 45.5 милиони долари.

Прв на листата на 100-те најплатени ѕвезди за 2017-та е Шон Комбс, кој уште го знаеме како Пи Диди, со заработка од 130 милиони долари, по него е Бијонсе со 105 милиони долари заработка и на трето место е Џ. К. Роулинг со 95 милиони долари.

Еве кои се првите 10 славни личности кои се најдоа на листата на 100 најплатени ѕвезди според Forbes:

1. Шон Комбс - 130 милиони долари

2. Бијонсе - 105 милиони долари

3. Џ. К. Роулинг - 95 милиони долари

4. Дрејк - 94 милиони долари

5. Кристијано Роналдо - 93 милиони долари

6. The Weeknd - 92 милиони долари

7. Хауард Стерн - 90 милиони долари

8. Coldplay - 88 милиони долари

9. Џејмс Патерсон - 87 милиони долари

10. Леброн Џејмс - 86 милиони долари

Н. Г. | Црнобело