Хакери укралe податоци од 12 милиони сопственици на уреди на Apple

Детали

вторник, 04 септември 2012

Членовите на хакерската група AntiSec на својот профил на микроблогот Twitter објавија дека земале имиња броеви на мобилни телефони и адреси на повеќе од 12 милиони лица од компјутер на американското федерално биро за истраги FBI.

AntiSec хакерската група беше основана во 2011 година со обединувањето на ресурсите на двете претходно засебни големи хакерски групи Anonymous и LulzSec.

Како потврда, хакерите објавија лични податоци на милион идентификациски броеви Unique Device Identifiers (UDIDs) за апаратите на Apple, заедно со други лични информации за сопствениците на овие уреди, коишто биле украдени од лаптопот на агент на FBI. Според членовите на AntiSec, датотеката со податоци на преносниот компјутер на агентот, била хакирана во март годинава.

UDIDs е единствен број, претходно широко употребуван за идентификација на уреди на мобилниот систем на Apple iOS. По појавувањето во 2011 година на системот iOS 5, Apple го предупреди програмерите дека UDIDs системот е застарен, и треба да се прекине со неговата употреба. Тоа делумно е поврзано и со притисоците од групите за заштита на човековите права, кои истакнуваа дека системот претставува закана за анонимноста на корисниците.

Во пролетта 2012 година, Apple ги отстрани од својата онлајн продавница App Store апликациите кои продолжуваат да користат UDIDs.

Како што тврди хакерската група, оваа акција била направена само за да се привлече вниманието на јавноста дека FBI може да користи чувствителни информации за да следи и да ги лоцира корисниците на овие уреди.

04.09.2012 (Макфакс)