Бизарно: Инфлуенсерка на 11 години првпат се оперирала за да личи на Барби, досега направила 29 операции

Детали

понеделник, 13 ноември 2023

„Бев вистинско лабораториско глувче, бидејќи процедурата за побелување на кожата е сè уште во експериментална фаза. Тие и ми беа најболни процедури. Кожата ќе ми се вцрвеше, ќе почнеше да се лупи и во тие моменти целото тело ме болеше“, вели инфлуенсерка која направила 29 операции за да личи на Барби. Бизарно, зарем не?

Татјана Мурило од Колумбија е Барби од реалниот живот. Но, нејзиниот изглед се должи на пластичните операции, а таа досега направила дури 29.

Оваа инфлуенсерка тврди дека првата пластична операција ја имала на само 11 години, бидејќи ја малтретирале и исмевале поради изгледот.

„Во мојот роден град, сите убави девојки ги викаа Барби. А, мене ме исмеваа затоа што не бев убава, поради изгледот, бојата на кожата.

Ме малтретираа дури и поради социјалниот статус бидејќи моите родители се фармери“, вели таа.

Иако никогаш не ја сакала совршената кукла, таа решила да го смени својот изглед за да почне да личи на Барби.

Првата операција, тврди таа, ја направила уште пред да стане тинејџерка и на 11 години го оперирала носот.

Продолжила со бројни операции кои опфаќале липосукција, имлпанти на градите и зголемување на усните. Таа дури и направила процедура за отстранување на трепките, но и третмани за побелување на кожата.

„Бев вистинско лабораториско глувче, бидејќи процедурата за побелување на кожата е сè уште во експериментална фаза.

Тие и ми беа најболни процедури. Кожата ќе ми се вцрвеше, ќе почнеше да се лупи и во тие моменти целото тело ме болеше“, вели Татјана.

Таа сега е задоволна од својот изглед, но признава дека направила големи жртви за да стигне дотука.

„Ова е моја слатка одмазда кон сите оние што ми се смееја и ме малтретираа како дете. Од мала си велев дека мојата одмазда ќе биде успешна, и сега верувам дека сум била во право“.

Татјана има ќерка (13) и призна дека за 12-тиот роденден на девојчето му подарила ваучер за пластична операција на носот.

„Знам дека по операцијата е посреќна, бидејќи изгледа поубаво“, вели таа.

Ова наиде на осуда од јавноста, а луѓето велат дека ќерката на Татјана е премала за пластични операции.

„Тоа ѝ беше сон, и не знам зошто луѓето мислат дека е погрешно. Тоа е нејзин живот, а јас ќе ја поддржам“, додава инфлуенсерката.

А. Ј. | Црнобело