„Имам 35 години и девица сум – помислата да бидам со маж ме преплашува“

Детали

недела, 22 октомври 2023

Ања (35) од Англија има социјална анксиозност поради што никогаш во животот немала дечко. Таа немала односи, а нема ни бакнато машко. Сега вели дека го дава најдоброто од себе да ја надмине анксиозноста и конечно да си најде партнер.

Ања Панчал има социјална анксиозност и вели дека поради ова никогаш не била на романтичен состанок.

35-годишната девојка досега немала сексуални односи, а уште го чека и нејзиниот прв бакнеж.

Таа вели дека самата помисла да зборува со маж ја преплашува, а не па да помисли да излезе со некого.

Ања од Англија живее со нејзините родители, но вели дека сега се чувствува подготвено да ги надмине проблемите со менталното здравје и да си го подобри животот.

„Никогаш сум немала самодоверба да зборувам со маж – не знам што да кажам. Сите мои пријателки се во брак и имаат деца и се чувствувам како да живеам во нивна сенка.

Никогаш сум немала романтичен бакнеж како на филм. Чудно ми е што сум девица на моја возраст. Моите родители се во брак 40 години и сакаат да ме видат среќна со вистинскиот партнер.

Сакам да се поврзам со некого повеќе од физичката страна на врската, но за да стигнам до тоа, треба да одам на состанок. Но, помислата да разговарам со маж ми создава анксиозност“.

Ања има социјална анксиозност и во училишните денови била малтретирана поради ова. Малтретирањето, пак, дополнително ѝ ја влошило состојбата.

Нејзините проблеми почнале на 16-годишна возраст кога ѝ се јавила и депресија.

Тој период почнала да се изолира и со текот на времето ѝ се јавила и анксиозноста.

За среќа, успеала да запознае пријатели преку Фејсбук.

„Кога конечно најдов пријатели, беше прекрасно. Конечно можев да излегувам, да одам во салон за убавина и да одам на кино.

Пробав и апликации за состанување. но ми изгледаше како сите мажи таму да се заинтересиран само за секс“.

Иако уште се соочува со проблеми, Ања е одлучна дека ќе си го подобри животот.

„Знам дека мора да направам некои промени, во спротивно нема целосно да го искусам животот. Сакам да најдам партнер бидејќи не сакам да жалам кога ќе наполнам 70 години“.

„Бидејќи никогаш не сум била на состанок, не знам ни од каде да почнам. Помислата да имам односи со маж ме преплашува. Немам никакво искуство, но знам дека сакам да најдам партнер кој е добра личност и кој сака да оди на прошетки.

Најмногу од сè, сакам и емотивна поврзаност бидејќи тоа е најважно – или барем така ми велат“.

Спирова С. | Црнобело