„Кришум влегов со децата во all inclusive хотел во Турција – јадев и пиев бесплатно цела недела и никој не ме забележа“

Детали

среда, 19 јули 2023

Една мајка гордо го споделува својот трик на социјалните мрежи. Таа тврди дека успеала бесплатно да ужива во all inclusive услуги во хотел во Турција, користејќи се со трик и за среќа никој не ја фатил. Но, нејзината приказна наиде и на критики. Што мислите вие за оваа постапка?

Роксен Балкиунас од Англија со своите две деца во мај била во посета на Ramada Hotel & Suites во Кушадаси, Турција, а по заминувањето, нараквиците за all inclusive услугата ги ставила во својата торба.

Кога се вратила дома, случајно забележала дека сѐ уште ги чува, па одлучила да резервира ново патување од 7-ми јули, но овојпат избрала евтин апартман на 10-тина минути од одморалиштето.

Таа и двете деца ги ставиле старите нараквици на рацете и се обиделе да влезат во одморалиштето, па биле изненадени кога откриле дека никој не ги сопрел.

На ТикТок, Роксен се пофали со фотографии од храната и пијалаците во кои уживале со старите нараквици.

„Викајте ме крадец ако сакате, но јас уживав во бесплатна храна и пијалаци една недела“ – вели таа, а пренесе NewYork Post.

Мајката вели дека ѝ било чудно тоа што вработените воопшто не ги провериле нараквиците кога влегла во одморалиштето.

„Бев загрижена дека ќе ме фатат – но за среќа никој не забележа“ – вели таа.

На крај, Роксен тврди дека овојпат јадела и повеќе отколку што јаде вообичаено само затоа што било бесплатно.

Сепак, таа тврди дека нема намера да го повтори истото, особено затоа што веќе ги објавила видеата на социјалните мрежи.

Коментарите што таа ги доби се најразлични. Додека некои ѝ честитаат за храброста, други ја критикуваат затоа што јавно се издава дека извршила кражба.

„Ако можеш да си дозволиш секој месец да одиш на одмор, зошто крадеш од хотелот?“;

„Жал ми е за луѓето што напорно работат за да си дозволат одмор, а таквите како тебе само веруваат дека треба да се снајдат“;

„На овој начин родителите ги учат децата дека треба да крадат“ – стои во дел од коментарите.

Погледнете го видеото:

@travelswithroxy

when you book a cheap self catering apartment down the road from the #ramada #kusadasi and you saved your all inclusive band from last month so you go use their facilities all day every day. 😂😂 thanks for looking after us Ramada, you didn't have to 😂😂 #freefood #allinclusive #allinclusiveresort #thanks #holiday #travel #fyp #vacation #traveltiktok #turkey #brits #traveltok #costofliving #sneaky #imnotwhereimsupposedtobe #nobodysgonnaknow

♬ original sound - A

Што мислите вие за постапката на Англичанката?

Б. С. Б. | Црнобело