Нема приватен авион, кога може се вози со велосипед на турнири – На што ги троши Новак Ѓоковиќ парите?

Многумина пишуваат дека тој поседува свој приватен авион, но вистината е дека тој со години наназад е корисник на приватните авиони на компанијата „NetJets“ која едно од своите летала целосно го адаптирала на неговите потреби.

Познато е дека освен што внимава на исхраната и води здрав живот, Ноле често ја користи технологијата за да му помогне да напредува во спортската кариера. Тој има комора за притисок CVAC која чини околу 75.000 долари, а која го намалува лачењето на млечна киселина и го поттикнува создавањето на матични клетки.

Во 2014-та година Ноле заработи 750.000 долари на Italian Open и парите во целост ги донираше за да им се помогне на настраданите во поплавите во Србија.

Новак и Јелена Ѓоковиќ заедно ја водат „Фондацијата Ѓоковиќ“ која треба да го подобри раниот детски развој.

Новак не штеди ниту на скапите и луксузни автомобили, па така во неговата колекција има автомобили марка Peugeot, Tesla Model X, но и Audi и Mercedes-Benz.

Во време на пандемијата Ноле потроши околу 10 милиони евра за да купи луксузна вила во Марабеља, Шпанија, каде се преселија со сопругата Јелена и двете деца.

Истата година, тој и Јелена донираа 1 милион евра за да ѝ се помогне на Србија да се избори со пандемијата.

Б. С. Б. | Црнобело