Се прослави со голите гради во песната „Boys“, се бореше со депресија: Сабрина Салерно на 55 години е секс-симбол

Сабрина стана секс симбол не само на Италија, туку и на целиот свет. Брзо по објавувањето на спотот еден француски магазин ја прогласи за најубава жена на светот.

Во 1980 година победи на натпревар за убавина и тоа ја поттикна да се занимава со манекенство. Сликаше за најпознатите италијански списанија, а фотографиите ги преземаа и европските медиуми.

Покрај пеењето и манекенството, Сабрина се занимаваше и со глума, а беше и водителка на телевизија.

Во 1987 година таа го издаде својот прв албум „Сабрина“. Но албумот доживеа фијаско, а таа се скара со менаџерите поради пари.

Тоа ја натера да се повлече од сцената. Живееше на село и неколку години ја немаше во јавноста. А кога повторно се врати, призна дека се борела со депресија, од која едвај се повратила.

Во 2010 година уште еднаш се проба како пејачка и сними дует со американската пејачка Саманта Фокс, преработка на хитот на Блонди „Call me“. А бидејќи Сабрина често ја нарекуваа „италијанската Саманта Фокс“, оваа соработка привлече големо внимание.

Денес Салерно работи како ТВ-водител, а повремено ја ангажираат и како манекенка, па слика мнодни едиторијали за италијанските списанија.

Во 2006 година се омажи за Енрико Монти, со кого го има синот Лука Мариа Монти.

Активна е и на Инстаграм, каде што ја следат 1.3 милиони луѓе. Таму секојдневно објавува слики и видеа, некои од нив многу попровокативни од сликите од спотот за „Boys“ што ја прослави пред 36 години.

Својата витка линија ја одржува со вежбање до четирипати неделно и со правилно јадење. Вели дека консумира многу малку јаглехидрати, но дека ужива во големи количини овошје и зеленчук.

А. Ј. | Црнобело