Кортни Кокс за пластичниот изглед на лицето: „Се плашев од старост, но претерав – сега ги извадив филерите и пак сум стара“

Детали

петок, 10 март 2023

„Постојано ставав нови филери, а потоа барав да ги отстранат, не бев ниту свесна дека претерувам“– вели актерката Кортни Кокс за промените на нејзиното лице. Актерката искрено зборува за тоа како со години се обидувала да се избори со стареењето, а денес одлучила да остари достојно.

Актерката која се прослави по улогата во серијата Friends, Кортни Кокс (58) вели дека воопшто не била ниту свесна дека претерала со филерите.

Таа гостуваше во поткастот Gloss Angeles каде зборуваше за сопственото искуство со третманите за подмладување и постојаното ставање филери.

Како што вели, стравот од стареење ја натерал да почне да става филери уште додека била млада за да успее да го запре времето.

„Не си свесен како им изгледаш на другите луѓе и само додаваш нови филери, а потоа бараш да ги отстранат, затоа што фала му на Бога, тие се отстрануваат, но мислам дека успеав да направам поголем проблем.

За среќа отстранив најголем дел од филерите и во моментов сум само постара“ – вели актерката.

Кортни вели дека минатата година се обидела да се подмлади со голем број инјекции и други третмани, но дека со тек на времето сфатила дека претерала и дека сега се обидува да остари достојно:

„Имаше период кога си мислев: ‘Леле, се менувам. Изгледам постаро.’

И се трудев да изгледам повторно младо со години.

Не бев ниту свесна дека изгледам многу чудно заради големиот број инјекции и затоа што правев третмани на лицето што никогаш не би ги направила сега“ – вели таа.

Кортни признава дека иако се откажала од естетските третмани, сепак не се откажува од скапите производи и дека ниту сама не може да си поверува дека наскоро ќе наполни 60 години.

„Боже, навистина е тешко да кажам. Не ми се верува. Нема ништо лошо во тоа да наполниш 60 години, само не ми се верува.

Времето лета. Сега сум поприземна, научив многу работи во животот – во што треба да уживам, што треба да пробам, а што не треба“ – рече таа.

Б. С. Б. | Црнобело