Хит совет на Памела Андерсон за брзо запросување: „Сигурно функционира, така го натерав сопругот да стапиме во брак“ (видео)

Детали

сабота, 04 февруари 2023

„Ова функционира. По 9 години врска така го натерав сегашниот сопруг да стапиме во брак“ – стои во коментарите на социјалните мрежи за советот на Памела Андерсон за брзо стапување во брак, што стана вистински хит.

Памела Андерсон беше во брак петпати, а голем број корисници на социјалните мрежи се согласни дека нејзиниот трик за тоа како да ги натерате мажите да ве запросат навистина е ефикасен. 

Во рамки на нов документарен филм на Нетфликс, Pamela, a Love story, познатата актерка, Памела Андерсон (55) ја раскажа својата животна приказна, а како жена што петпати успеала да стапи во брак сега откри која е нејзината тајна за тоа набрзина да ги натерате партнерите како да клекнат на едно колено.

„Најлесен начин за да натерате некого да ве побара за жена е да му кажете: ‘никогаш нема да се омажам за тебе’. За 6 месеци ќе бидете во брак, сигурно. Тоа треба да го направите, во ред?“ – вели таа на крајот на документарниот филм.

@cassiedianne Maybe this will work #pamelaanderson #netflix #marriage #fyp ♬ original sound - Cassie

Ова видео масовно се споделува на ТикТок, а дел од корисниците коментираат дека ниту на Шекспир не би му текнало да креира таков заплет.

„Одеднаш стануваш предизвик за некого“, „Ова функционира. По 9 години врска му кажав на мојот сегашен сопруг дека нема да се омажам за него и по 2 месеци бевме во брак“, „Еј! Ова ми го кажа сопругот, клучен збор ’СОПРУГ’“, „По 5 свршенички прстени ви гарантирам дека е точно“, „Ме запроси по само 2 недели откако му реков дека ако сега ме запроси нема да прифатам“ – велат дел од корисниците на ТикТок.

Што мислите вие, функционира ли овој совет на Памела?

Б. С. Б. | Црнобело