Заради татко му бил мета на терористи, се откажа од неговото наследство – во какви односи е Енрике Иглесијас со Хулио?

Наместо Хулио, на Енрике му помогнал поранешниот публицист на неговиот татко Фернандо Маринез кој бил воодушевен од неговиот глас и го пробил на музичката сцена. Енрике почнал да настапува под лажно име како Енрике Мартинез од Гватемала.

Во една прилика, прашан за аферите на татко му, за кого се шпекулира дека спиел со над 3.000 жени, Енрике рече дека тој не сака така да го живее животот.

Во 2020-та година пејачот даде обемно интервју во кое говореше како заедничкиот живот со Ана Курникова и неговите 3 деца во целост му го промениле животот и зошто цели 10 години воопшто не сакал да разговара со татко му.

„На 18 години се одделив од моето семејство во целост и навистина беше тешко. Си заминав и 10 години немав никаков контакт со татко ми. Страдав многу.

Но, она што го чувствував за мојата музика ми даде сила и секако се борев за мојата цел, да ги остварам соништата на мој начин.

Дали имав можности какви што немаат другите деца? Секако. Но, невозможно е да успееш во овој бизнис ако немаш песни што ќе ѝ се допаднат на публиката“ – рече тој.

Денес, Енрике вели дека има добар однос со татко му и дека тие двајца комуницираат, а Хулио постојано ги гледа своите внуци, иако таблоидите пишуваат дека Енрике и Ана се држат настрана од познатиот пејач.

Б. С. Б. | Црнобело