Сара Џесика Паркер со загрижен израз на лицето шета во тренерки и кломпи, по ненадејната смрт на нејзиниот очув (фото)

Детали

петок, 30 септември 2022

Откако откри дека нејзиниот очув починал поради ненадејна болест, Сара Џесика Паркер беше забележана во Њујорк со загрижен израз на лицето и речиси постојано гледаше надолу, додека на неа имаше големи слушалки. 

Во четвртокот, 29-ти септември, Сара Џесика Паркер соопшти дека починал нејзиниот очув.

Набрзо потоа, 57-годишната актерка беше забележана во Њујорк со загрижен израз на лицето, облечена во необично издание со тренерки и кломпи, а на неа имаше големи слушалки. 

Актерката ги сподели тажните вести со изјава за веб-сајтот Page Six.

„Нашето семејство со тага соопштува дека по неочекувана и брза болест, Пол Гифин Форст почина вчера на 76-годишна возраст.

Пол ќе биде запомнет по неговиот добар дух, неговата радост за неговите 13 внуци и неговата желба да го направи светот подобро и поубаво место за сите“.

Очувот на актерката во последните мигови бил опкружен со семејството, вклучувајќи ги неговата сопруга Барбара, неговите биолошки деца и Сара Џесика Паркер.

По изјавата, актерката шеташе низ Њујорк и речиси воопшто не го тргаше погледот од тротоарот.

Сара беше во лежерно издание, со тренерки, влечки и ранец, а седата коса ѝ беше собрана во пунџа.

Актерката го криеше лицето со големи очила за сонце.

Родителите на актерката – Барбара и Стивен Паркер – се развеле кога таа имала само три години.

Набрзо потоа мајка ѝ се венчала со Пол, со кого беше во брак до неговата смрт, односно над 50 години.

Пред неговата смрт, Сара Џесика Паркер требаше да присуствува на модна Гала-вечера организирана од New York City Ballet, каде што требаше да добие почесна награда за „нејзината визија и нејзиното лидерство“.

Но, поради смртта на очувот, актерката не се појавила на ексклузивниот настан.

Истовремено, актерката требаше да биде дел од виртуелна прес-конференција за нејзиниот нов филм Hocus Pocus 2, но го откажа присуството и од тој настан.

Претходно Сара присуствуваше на премиерата на филмот, и тоа со нејзините деца, близначките Табита и Марион.

Обично актерката и сопругот ги држат децата понастрана од јавноста, но тие биле огромни фанови на култниот филм, па сакале да присуствуваат на премиерата на второто продолжение.

Актерката откри и дека едвај чекале да ги запознаат другите две актерки кои глумат вештерки во филмот.

„Првпат го изгледаа првиот филм пред околу три години. Беа возбудени што ќе ги запознаат Бет и Кети. Постојано ме прашуваа дали ќе ги видат облечени како нивните култни ликови“.

Спирова С. | Црнобело