Принцот Хари и Дејвид Бекам беа пријатели со години – Како Меган Маркл им го растури пријателството?

Во април 2018-та година Дејвид и Викторија присуствуваа на кралската свадба на Меган и Хари и со тоа стана јасно дека се пријатели и дека се во добри односи.

Викторија дури и ја фалеше Меган во една изјава па рече:

„Ми се допадна тоа што Меган го кажа на Fashion Awards дека порано беше кул да си суров, а дека сега е кул да се биде љубезен. Љубезноста отсекогаш била во основата на женската моќ.“

Сепак, односите помеѓу Викторија и Меган се заладиле, а како причина за тоа се наведува дека во 2017-та година, војвотката ја обвинила Викторија за озборување и дека таа им доставувала информации на новинарите.

Принцот Хари застанал во одбрана на Меган, па дури и му се јавил на Дејвид за да поразговара со него, а поранешниот фудбалер ги негирал сите тврдења на Меган.

Наводно Дејвид бил засрамен од разговорот со Хари и иако првично рекол дека меѓу нив сѐ е во најдобар ред, сепак одлучил дека е подобро да немаат контакт. Дополнително, Бекамови не сакале премногу да се вклучуваат во негативниот печат што Хари и Меган го привлекуваа.

Бекамови се во добри односи со Кејт и со Вилијам, но ниту овој кралски пар не присуствуваше на свадбата на Бруклин Бекам. Се шпекулираше дека Вилијам и Кејт сакале да ја избегнат случајната средба со Меган и Хари, но најверојатно заради безбедносни причини парот одлучил да не отпатува во САД.

Б. С. Б. | Црнобело