Хакирал мејлови и објавил разголени фотографии и видеа од над 40 жени – Каде е Хантер Мур денес, главниот лик од новиот документарец на Netflix?

Според информациите во документарниот филм, Хантер тврдел дека неделно заработува околу 13.000 долари во периодот кога неговата веб страна била на врвот. Освен од веб страната Хантер заработувал и како ди-џеј, но и како гостин на забави.

Во февруари 2015-та година Мур бил уапсен од страна на ФБИ, каде целосно ја признал вината. Тој добил казна од 2,5 години затвор и парична казна од 2.000 долари.

Во мај 2017-та година тој бил пуштен предвреме од затвор, благодарение на тоа што учествувал во програмата за спречување на злоупотреба на опојни супстанци.

По ослободувањето од затвор, Хантер сѐ уште има забрана за користење Фејсбук, но присутен е на Твитер, каде себеси се претставува како трговец со криптовалути, кој редовно споделува совети за здрав живот.

„Луѓе, си ја одлежав затворската казна. Си го живеам животот мирно, поминаа 10 години откако сѐ се случи. Некои од вас ме сакаат, најголемиот дел од вас ме мразат, ако сакате да ви се извинам, нема да го направам тоа. Не сум должен никому ништо“ – напиша тој на Твитер.

Иронично, но по објавувањето на новиот документарен филм на Netflix, голем број луѓе на Твитер се обидоа да го заследат, по што тој ги блокира.

Дополнително, откако неговиот профил беше објавен во повеќе медиуми, Твитер го блокира, па веќе не е достапен.

LMFAOOOOOOOO pic.twitter.com/S5uvzLTSkf

— RoÐrigo 🇵🇪 (@RodrigoMCas) July 29, 2022

 Б. С. Б. | Црнобело