„8 години брак, 17 години растеме заедно“: Новак и Јелена Ѓоковиќ слават годишнина од бракот
- Детали
- недела, 10 јули 2022
Новак Ѓоковиќ и сопругата слават осум години брак - по тој повод Јелена сподели неколку семејни фотки, но и му даде поддршка на саканиот за денешниот натпревар на Вимблдон.
Познатиот тенисер Новак Ѓоковиќ и сопругата Јелена денес ја слават осмата годишнина од бракот.
По тој повод, Јелена сподели неколку слатки семејни фотографии на Инстаграм. Покрај годишнината, денес Новак игра и на финалето на Вимблдон.
„8 години во брак но сепак само 17 заедно! Тинејџери. И, денес моето момче игра на финалето на Вимблдон!“ – стои во описот на објавата на српски јазик.
На англиски, пак, Јелена напишала: „8 години брак од 17-те години што растеме заедно“.
Тенисерот и сопругата се заедно уште од средношколските денови и беа во врска околу осум години пред Новак да ја запроси во 2013-та.
Тие се венчаа следната година во Црна Гора, речиси веднаш откако тенисерот го освои пехарот на Вимблдон, и тоа по вторпат.
Парот има две деца – Стефан кој се роди во 2014-та, како и Тара која се роди во 2017-та.
Спирова С. | Црнобело
Би можело да ве интересира:
Препорачуваме
Најчитани неделава
