Илон Маск добил близнаци со 25 години помлада вработена – Која е жената што 7 месеци ги криела бебињата на милијардерот?

Детали

четврток, 07 јули 2022

Илон Маск во 2021-ва година добил не едно, туку три деца. Откриено е дека милијардерот кој во моментов е во врска со актерката Наташа Басе, добил близнаци со вработена во неговата компанија. Која е мајката на неговите деца, чиешто постоење 6 месеци се чуваше во тајност?

Минатата година сосема случајно се дозна дека Илон Маск добил второ дете со неговата долгогодишна девојка пејачката Грајмс, кога новинарската екипа што ѝ правеше интервју ненадејно го слушна плачот на бебето.

Ќерката Exa Dark Sideræl Musk, Маск и Грајмс нагалено ја викаат Y, слично како нејзиниот постар брат X Æ A-Xii Musk (2) кого го викаат X.

Според Insider во ноември 2021-ва година, само неколку недели пред да ја добие ќерката со Грајмс, ексцентричниот милијардер добил близначиња со Шивон Зилис (36) оперативната директорка во неговата компанија Neuralink и сега има вкупно 9 деца.

Маск и Зилис во април годинава поднеле барање за да ги променат имињата на децата со цел тие да го носат презимето Маск, а презимето на нивната мајка да им биде како средно име.

Прочитајте и Одат во специјално училиште, мора да доживеат тешкотии: Чудни правила што децата на Илон Маск ги следат + дали ќерката на Амбер Херд е негова?

Која е Шивон Зилис и што знаеме за неа?

Шивон во моментов има 36 години и е 25 години помлада од милијардерот кој има 51 година. Тие се запознале преку програмата OpenAI (непрофитната организација за вештачка интелигенција на Маск, која е основана во 2015-та година).

Зилис студирала економија и филозофија на престижниот универзитет Yale каде исто така била голман на женскиот тим за хокеј.

Во 2015-та година Зилис се најде на листата на Forbes за 30 под 30 во категоријата за нови претприемачи и во 2017-та година почнала да работи за Tesla.

Зилис во моментов работи како оперативен директор во компанијата Neuralink на Тесла и се претпоставува дека најверојатно таа е на листата на лица што Тесла ќе ги ангажира да раководат со Твитер.

Три месеци пред да се породи со бебињата, Зилиз се преселила во нова палата во Остин (САД) вредна 4 милиони долари. На документите Маск и Зилис имаат иста адреса.

Б. С. Б. | Црнобело