Рафаел Надал и сопругата го очекуваат првото дете – Марија не успеа да го скрие трудничкото стомаче на плажа (фото)

Марија Перељо дипломирала во областа на бизнис администрацијата, а од 2008-мата година работи како директор на Фондацијата Рафа Надал.

Тенисерот и неговата сопруга се запознале уште кога биле деца, благодарение на неговата сестра Мариа Изабел. Марија Перељо и Марија Изабел Надал заедно оделе во училиште.

Рафаел и Марија ја почнале љубовната врска во 2005-та година, а стапија во брак дури по 14 години, во 2019-тата година.

Марија ретко е на трибините за да навива за нејзиниот сопруг на светските турнири и позната е по тоа што својот приватен живот сака да го чува подалеку од очите на јавноста и (за разлика од некои други сопруги на славни спортисти) не сака да биде во фокусот на вниманието.

Во една пригода таа рече дека не сака да оди да навива за нејзиниот сопруг, затоа што не сака да му го одвлекува вниманието и да го дефокусира од она што е најважно во моментот, а тоа е победа на натпреварите.

Во минатото Рафаел говореше за тоа дали еден ден би сакал да има деца, па рече дека тоа најверојатно ќе го направи на крајот или по завршувањето на неговата спортска кариера, затоа што сака да биде тука за своето семејство.

Б. С. Б. | Црнобело