Мрсна коса, подочници – Ким Кардашијан „уловена“ наутро во двор, без грам шминка (фото)

Детали

петок, 20 мај 2022

Во новото ријалити шоу на нејзиното семејство, Ким Кардашијан покажа дека наутро, кога нема шминка, таа изгледа како и секоја обична жена – со подочници и несредена коса.

Кога и да се појави во јавност, Ким Кардашијан изгледа беспрекорно, а за тоа се заслужни шминката и целиот тим стилисти.

Дури и во ријалити шоуто на нејзиното семејство, Ким секојпат е нашминкана без разлика што повеќето сцени се снимаат во нејзиниот и домовите на Кардашијанс.

Одвреме-навреме папараците успеваат да ја „уловат“ без шминка, но новите фотки ја прикажуваат во сосема поразлично светло.

Во нова епизода од ријалити шоуто на семејството Кардашијан-Џенер, Ким Кардашијан покажува како изгледа наутро откако ќе стане. И, навистина изгледа како и секоја обична жена која само што се разбудила.

На фотографиите извадени од снимките на новата епизода, Ким носи голем бел пењоар, косата ѝ е собрана во неуредно опавче и на лицето нема воопшто шминка.

Иако Ким изгледа добро и во најприродно издание, сепак е поразлична од она на коешто сме навикнати.

Наводно, снимките се направени рано наутро, пред Ким и нејзиното семејство да се подготват за снимањето во претстојниот ден.

На други фотки од истиот ден се појавува и Канје Вест. Тогаш косата на Ким е пуштена и воопшто не изгледа бујно и раскошно како вообичаено.

Спирова С. | Црнобело