„Таа ме тепаше, а потоа велеше дека ќе се самоубие ако си заминам“ - Видео од сведочењето на Џони Деп против Амбер Херд

Детали

четврток, 21 април 2022

„Кога татко ми нè напушти мајка ми се обиде да се самоубие, се плашев дека и Амбер ќе го направи истото“ – вели Џони Деп во рамки на своето сведочење во судскиот спор против поранешната сопруга Амбер Херд.

Продолжува судската сага помеѓу Џони Деп (58) и Амбер Херд (35). Актерот во обид да си ја спаси кариерата и да си го поправи угледот застана како сведок во судницата и изнесе повеќе детали од нивниот брак.

Во изминатите денови беа изнесени повеќе видеоснимки на кои се гледа дека актерката го изневерувала додека биле во брак, сведоци тврдеа дека таа имала секс во тројка со други луѓе додека биле во брак, а сега актерот открива зошто и покрај сè останал заедно со неа и не ја напуштил.

Во рамки на судењето беше изнесена и аудио снимка во која актерката признава дека го удрила:

„Не, не те удрив, те плеснав, не ти е ништо, не си повреден. Баш си бебе, дај порасни и не се жали“ – му вели таа во снимката.

Johnny Depp’s reaction to the court finally getting to hear the audio tape in which Amber Heard admits to abusing him. #JusticeforJohnnyDepp pic.twitter.com/kdvII6mlss

— Mary (@johnnyhellodepp) April 20, 2022

Актерот тврди дека тој бил жртва на насилство во бракот, а дека останал со Амбер затоа што стравувал дека таа ќе се обиде да се самоубие слично како што мајка му се обидела да си го одземе животот кога татко му ги напуштил.

„Кога татко ми се замина, мајка ми... се разбудив и го посведочив тој прв обид за самоубиство и таа слика ми е постојано пред очите – тоа беше директен резултат на тоа што татко ми си замина. Госпоѓицата Херд неколкупати говореше за самоубиство и постојано стравував за неа.

Многупати кога се обидував да си заминам ме застануваше пред лифтот со помош на обезбедувањето и врескаше: ‘Не можам да живеам без тебе, ќе умрам’.

Кога ќе успеев да побегнам, по пет минути доаѓаше во мојот дом во ноќница и врескаше пред мојата куќа“ – вели тој.

Тој ги посочи и другите причини заради кои се обидувал да го спаси бракот со неа:

„Сакав да направам сè за бракот да успее. Мислев дека можеби можам да ѝ помогнам. Мислев дека ќе ѝ помогнам. Затоа што тоа не беше истата Амбер Херд што ја запознав“ – вели тој.

https://twitter.com/winonasrider/status/1516788267944927236

Раскажува како во тие година и половина додека биле во брак Амбер станала сосема поинаква личност и дека постојано се расправале, а посебно внимание осврна на односот на неговата поранешна сопруга и неговите две деца од врската со Венеса Паради.

Како што вели, неговата ќерка Лили Роуз Деп не сакала да дојде на свадбата што се одржа во 2015-та година на неговиот приватен остров на Бахамите заради тоа што тие две не биле во најдобри односи.

„Ќерка ми не дојде на свадбата. Таа и госпоѓицата Херд не бeа во добри односи, заради неколку причини“ – вели актерот.

Тој откри дека на поканите за свадбата имало распоред за настаните на кои пишувало: „вечера, танцување и дрога“.

Деп призна дека негов избор била марихуаната, додека Херд и нејзините пријатели избирале екстази.

Како што вели, со оглед на тоа што не направиле предбрачен договор, по стапувањето во брак се обидел да се договори со неа да направат постбрачен договор, но тука започнале сите кавги.

Актерот рече дека ја тужи Херд со цел да ја докаже вистината и сопствената невиност, и дека ова е првпат во последните неколку години да има можност да ја каже својата страна од приказната.

„Јас не го заслужив ова. Не го заслужуваат ниту моите деца. Сметам дека сум искрен човек и ме интересира само вистината“ – вели тој.

“i didn’t deserve that. nor did my children. (..) i pride myself on honesty. i pride myself on truth. truth is the only thing i’m interested in.” - johnny depp about amber heard. #justiceforjohnnydepp pic.twitter.com/Weqed3rISx

— b ✧⡱ (@j0hnnycdpp) April 19, 2022

Б. С. Б. | Црнобело