Поранешни славни парови кои привлекуваа внимание, но сигурно сте ги заборавиле

Сандра Булок и Рајан Гослинг

Актерите ја почнаа врската во 2002 година, додека го снимаа филмот Murder By Numbers. Сандра е 16 години постара од Рајан и тој период ова претставуваше проблем за многумина, па парот се држеше што е можно подалеку од јавноста. Сепак, се разделија по една година заедно.

Парис Хилтон и Бенџи Маден

Сегашниот сопруг на Камерон Диаз беше во врска со Парис Хилтон, која траеше околу девет месеци. Парот ја почна врската во 2008 година и наводно се разделиле бидејќи биле премногу различни.

Алекс Родригез и Камерон Диаз

Алекс има долга историја со некои од најпознатите жени во шоу-бизнисот, а во 2010 година почна врска со Камерон Диаз.

Веројатно врската била сериозна бидејќи Камерон ги запознала неговите деца и се преселила во Мајами само за него.

По раскинувањето, Алекс изјави дека Камерон е прекрасна личност, но дека нештата во врската не оделе по план.

Никол Кидман и Лени Кравиц

Во свое време, ова беше најчудниот, но и најмистериозниот спој во светот на шоу-бизнисот. Лени и Никол најверојатно ја почнале врската околу 2002 година, а дури и се верија.

Не е познато колку долго биле заедно бидејќи и двајцата го даваа најдоброто од себе за да ја скријат врската од јавноста. Всушност, дури и за веридбата се дозна неколку години откако се разделија.

Леонардо ди Kаприо и Жизел Бундшен

Оскаровецот и познатиот супермодел ја почнаа врската во 2000 година и беа заедно цели пет години.

Во 2019-та Жизел откри дека раскинале поради нејзините проблеми со менталното здравје, односно бидејќи не ја добивала потребната поддршка од актерот.

Том Круз и Софија Вергара

Не се познати многу детали за оваа врска, но своевремено ги полнеше таблоидите. Се претпоставува дека Том и Софија ја почнале врската во 2004 и биле заедно нешто помалку од една година.

Според некои извори, на Софија воопшто не ѝ се допаѓала посветеноста на Том кон скиентологијата, па решила да ѝ стави крај на врската.

Спирова С. | Црнобело