Ирина Шајк зборува за бившиот со восхит: „Бредли е строг татко и не му требаат дадилки“

Детали

сабота, 18 септември 2021

„Тој е целосно посветен татко – без дадилки. Леа беше на одмор со него цели две недели, јас ниту еднаш не им се јавив“ – Со овие зборови Ирина Шајк опишува каков татко е Бредли Купер.

Топ-моделката Ирина Шајк (35) даде подолго интервју за магазинот Highsnobiety каде накратко прокоментира и за гласините за нејзината наводна врска со поранешниот сопруг на Ким Кардашијан, раперот Канје Вест.

За гласините дека била во врска со раперот Канје Вест не сака да говори многу. Таа не ги демантира гласините, што дополнително се засилија откако двојката беше фотографирана заедно во Франција, но напоменува дека смета дека приватниот живот треба да биде приватен.

„Утре ќе има гласини дека се гледам со портирот во ред? Потоа задутре ќе биде некој друг... Секогаш има нешто на тоа поле, но одлучувам да го зачувам за себеси“ – вели таа.

Сепак, таа е поотворена кога станува збор за бившите партнери, па така не штедеше на убави зборови за Бредли Купер со кого ја има ќеркичката Леа.

„Тој е целосно посветен татко – без дадилки. Леа беше на одмор со него цели две недели, јас ниту еднаш не им се јавив. Јас и татко ѝ сме мошне строги. Кога ќе заврши со оброкот, таа треба да ја земе чинијата, да каже ‘благодарам’. Таа не добива ништо без да каже ‘ве молам’ или ‘благодарам’“ – вели Ирина.

Понатаму додава дека животот на нејзината ќерка во голема мера се разликува од начинот на кој што познатата манекенка растела:

„Тешко е, таа има толку многу играчки. Јас имав само една кукла и уште ја имам таа кукла. Русокоса со сини очи, голема руска кукла. Баба ми порано шиеше облека за неа.

Секогаш ѝ објаснувам на Леа дека ‘ова е мојата кукла, јас имав само една кукла! Ти имаш слатки секој ден, јас добивав слатки само за Божик’.“

Инаку, Ирина Шајк и Бредли Купер беа во врска од 2015-тата до 2019-тата година, а заедно во 2017-тата година ја добија ќеркичката Леа Де Сен Шајк Купер.

Што се однесува до нејзините идни планови, Ирина вели дека е можно во иднина да се обиде и на филмското платно, но за тоа останува да видиме.

Б. С. Б. | Црнобело