Жената на Сталоне е инспирација – 53 години, три ќерки и ниту грам сало (фото)

Детали

сабота, 28 август 2021

Сопругата на Силвестер Сталоне, Џенифер Флејвин, во својата 53-та година од животот може да се пофали со совршено витка фигура, и покрај раѓањето на три ќерки.

Иако „парите си го прават своето“ и со сигурност може да потврдиме дека не е тешко да изгледаш добро кога имаш ресурси, кај Флејвин сепак се забележуваат годините поминати во напорни тренинзи и водењето грижа за сопствениот изглед.

Поранешната манекенка решила да ја задржи витката фигура и во шестата деценија од животот. Семејството Сталоне е познато по тоа што целото семејство води многу грижа за начинот на исхрана и дека секој од нив секојдневно вежба по 2 часа.

Џенифер оваа задача си ја сфатила мошне сериозно.

„Обожавам да трчам или да шетам рано наутро низ соседството додека сите спијат или додека децата одеа на училиште. Повремено работам со тренер во теретана или кревам тегови дома. Знам дека тоа е особено важно за моите коски“.

Таа внимава и да си обезбеди доволно сон, за да изгледа свежо и да се чувствува одморено.

„Знам дека 8 часа сон во денешно време се предизвик. Но, спијте колку што можете повеќе. Секој ден одвојувам по 30 минути за да прочитам нешто или едноставно да слушам музика. Понекогаш е доволно само да седнете и да се потсмирите“.

Она што најмногу сака да го пие е – вода.

„Водата е главна во нашиот дом. Сите одиме наоколу носејќи шишенце со вода. Особено во текот на летото. Јас имам обичај да си ставам вода во една голема чаша и да ја пијам додека се движам низ домот“.

Покрај тренинзите и големите количини на испиена вода, Џенифер особено многу внимава на грижата и негата на кожата.

„Каде и да одам, секогаш со себе носам крем за заштита од сонцето. Сакам да бидам сигурна дека мојата кожа е заштитена“.

Очигледно сите овие совети се исплатливи, фотките за 53-годишната инспиративна жена на Сталоне говорат сами по себе.

Како изгледа Џенифер низ фотки:

(О)Милена| Црнобело