Првиот брак му беше со Србинка, го помниме по улогата на Тарзан – Џо Лара и сопругата загинаа во авионска несреќа

Детали

понеделник, 31 мај 2021

Џо Лара, ѕвездата на филмот од 1996 година Tarzan: The Epic Adventures загина во авионска несреќа во саботата (29.05). Според извештаите во светските медиуми актерот загинал заедно со неговата сопруга Гвен Лара и уште пет други лица (меѓу кои и зетот на Гвен Лара).

Џо и неговата сопруга Гвен, заедно со уште 5 други лица, загинаа во авионската несреќа во близина на американскиот град Нешвил.

Малиот бизнис авион, што бил во нивна сопственост, се срушил во саботата околу 11:00 часот по локално време, непосредно по полетувањето.

Авионот се срушил во езерото Перси Прист, на околу 19 километри јужно од Нешвил.

Џо Лара, кој почина на возраст од 58 години, ќе остане запаметен како актер, музичар и бодибилдер.

Во тинејџерските години Лара играл американски фудбал и бил сметан за еден од најдобрите играчи во средношколската лига.

По завршувањето на образованието почнал да добива понуди за работа како модел, no сепак, својата кариера тој ја започнал во 1989 година кога се појавил во филмот Tarzan in Manhattan, а потоа и во ТВ сериите Tarzan: The Epic Adventures.

Покрај тоа, тој низ годините се појавува во повеќе други филмови и ТВ серии, како Steel Frontier, American Cyborg: Steel warrior, Armstrong, Warhead, In search of Tarzan with Johnathan Ross и The Magnificent Seven.

Од 2002-та година ја напушта актерската кариера, за во целост да ѝ се посвети на музиката. Во 2009-тата го објави албумот Joe Lara: Тhe cry of freedom.

Актерот има една ќерка oд првиот брак со српската актерка Наташа Павловиќ, со која беше заедно од 1984-та, но се разделија.

Во 2018-тата година стапил во брак со Гвен Шамблин Лара, која била авторка на христијански текстови и свештено лице.

Гвен е позната по тоа што е основач на програмата за диетата што се заснова на религија Weigh Down Workshop. Таа претходно била омажена за Дејвид Шамблин со кого имала две деца, а се развела во 2018-тата година. Таа зад себе остави седум внуци.

Б. С. Б. | Црнобело