Џорџ Клуни и уште 5 познати личности кои се откажаа од ѕвездата на холивудскиот Булевар на славните

Детали

недела, 13 јуни 2021

Холивудскиот Булевар на славните го красат имињата на околу 2.700 славни личности и овде ќе ги најдете имињата на некои од најголемите ѕвезди. Мерилин Монро, Волт Дизни, Џони Деп, Кејт Бланшет – ова се само дел големите холивудски ѕвезди чии имиња завршиле на познатиот Булевар.

За една личност да добие ѕвезда на Булеварот, најпрво треба да биде номинирана.

Потоа номинираната личност мора да достави доказ за нејзините професионални достигнувања, награди и слично, па со оваа апликација минува низ процес на селекција.

Ако личноста биде избрана, на крај мора да си ја плати ѕвездата – сума од 40.000 долари.

Иако на некој начин ѕвездата на Булеварот на славните е едно од најголемите достигнувања во кариерата во забавната индустрија, некои ѕвезди ја одбиле оваа почест.

Во продолжение погледнете кои:

Мадона

Во 1990 година Мадона доби понуда да се најде на Булеварот на славните. Дотогаш пејачката веќе го имаше освоено светот со нејзината музика. Но, таа одби, а за јавноста не изнесе некоја конкретна причина.

Витни Хјустон

Витни Хјустон беше номинирана во 1995 година. Според правилата, штом некој ќе биде номиниран, мора да закаже церемонија за поставување на ѕвездата во рок од пет години. Но, тимот на Витни никогаш не го стори тоа и номинацијата „пропадна“.

Џорџ Клуни

Слично како Витни, и Клуни не стигна да закаже церемонија. Актерот беше номиниран пред неколку години и најпрво со задоволство прифати, но не организираше церемонија и не доби ѕвезда на булеварот.

Клинт Иствуд

Популарниот холивудски актер беше номиниран неколкупати, но секогаш одлучно ја одбиваше понудата. Наводно, комисијата која одлучува чие име ќе се најде на булеварот уште се надева дека Клинт ќе се премисли, па му чуваат место за неговата ѕвезда.

Ал Пачино

Уште еден актер чија номинација пропадна бидејќи не закажа церемонија. Ал Пачино го помина процесот селекција и остана само да одбере датум за церемонијата. Но, неговиот тим не презема ништо и актерот никогаш не доби ѕвезда.

Брус Спрингстин

Брус Спрингстин го помина процесот на селекција, закажа церемонија, но воопшто не се појави на закажаниот датум. Поради ова, комисијата воведе ново правило – ѕвездите мораат да го потврдат присуството на својата церемонија неколку месеци порано.

Спирова С. | Црнобело