Модно промашување: Дуа Липа во скандалозен аутфит со подвезици на BRIT Awards (фото)

Детали

среда, 12 мај 2021

На овогодишното доделување на BRIT Awards, кое се одржа на 11 мај во Лондон, Дуа Липа ѝ оддаде почит на починатата Ејми Вајнхаус, со жолт фустан и подвезици, но и со фриузрата препознтлива за Ејми. Церемонијата, пак, беше прв музички настан на затворено после повеќе од една година, а присутните мораа да следат многу правила и мерки.

Церемонијата за доделувањето беше првиот поголем музички настан на затворено во Англија после повеќе од цела година, а иако дел од ѕвездите се вклучуваа онлајн и нивните настапи беа снимени претходно, некои од нив присуствуваа во живо.

Една од нив беше и Дуа Липа која реши да ѝ оддаде почит на Ејми Вајнхаус, која почина во 2011 година, со малку чудна комбинација.

На црвениот тепих Дуа се појави со жолт, краток фустан, а комбинацијата ја дополнила со подвезици и високи потпетици на платформа.

Наводно, фустанот е инспириран од жолтиот фустан што го носеше Ејми на доделувањето на наградите во 2007 година. Исто така, и фризурата на Дуа беше инспирирана од препознатливата голема фризура на Ејми.

Иако фановите не се воодушевени од комбинацијата на пејачката и ја сметаат за модно промашување, голем дел од светски познатите медиуми ја прогласија за една од најдобро облечените ѕвезди на настанот.

Дуа Липа настапуваше на доделувањето, а беше номинирана во три категории и победи во две, вклучувајќи и најдобар женски соло артист.

Како што напоменавме, на доделувањето познатите музичари се вклучуваа во живо, а дел од нив беа присутни на самиот настан. Бројот на публиката беше ограничен на 4.500 луѓе, а 2.500 влезници им беа доделени на работници кои работеле во текот на целата пандемија. За споредба, обично на BRIT Awards има публика од околу 20.000 луѓе.

Сите присутни, и славните и „останатите гости, пред да влезат на настанот мораа да приложат негативен тест. Истовремено, сите присутни беа тестирани, а наводно ќе бидат тестирани уште еднаш околу пет дена после церемонијата.

Слично како и на Оскарите, фотографите и новинарите држеа растојание од ѕвездите на црвениот тепих, а масите на коишто седеа музичарите беа на големо растојание.

Спирова С. | Црнобело