„Сега се многу големи!“ - Бритни Спирс објави ретка фотографија од синовите Џејден (14) и Шон Престон (15)
- Детали
- вторник, 02 март 2021
Бритни Спирс сподели ретка фотографија од нејзините синови Џејден Џејмс и Шон Престон, а во описот на објавата зборува за мајчинството. Пејачката го дели старателството со поранешниот сопруг Кевин Федерлајн, а изворите тврдат дека е во одлични односи со нејзините деца.
Бритни Спирс објави фотографија на Иснтаграм од неа и нејзините синови Џејден Џејмс и Шон Престон. Познатата пејачка речиси и да не споделува фотографии од децата, па ова беше вистинско изненадување за фановите.
„Лудо е колку брзо лета времето… Сега моите момчиња се многу големи! Знам… знам… тешко е за секоја мајка, особено за мајка која гледа колку брзо ѝ растат синовите! Премногу сум среќна бидејќи моите момчиња се вистински џентлмени и толку се добри, што сигурно сум направила нешто правилно!
Немам објавено фотографии од нив подолго време бидејќи тие се на возраст кога самите сакаат да го искажуваат својот идентитет, а јас целосно го разбирам тоа. Нo, си дадов дозвола да ги средам овие фотографии, а тие ми дозволија да ги објавам! Сега повеќе не се чувствувам отфрлено и ќе прославам… Ох, мислам дека кул мајките не го прават тоа… Во ред, тогаш ќе читам книга!“ – пишува во описот на објавата.
Шон Престон има 15 години, а Џејден 14, и пејачката ги роди додека беше во брак со Кевин Федерлајн. Моментално тие го делат старателството, односно децата се со Кевин 70% од времето, а со Бритни 30% од времето.
По разделбата со Кевин во 2007-ма, Бритни го изгуби старателството. Тогаш, судот му додели целосно старателство на Кевин, најмногу поради лошата ментална состојба на пејачката.
Од 2019-та, Бритни има право да ги гледа децата 30% од времето, без надзор. Претходно, таа можеше да ги гледа децата, но секогаш во придружба на „експерт“ кој ја набљудувал нејзината интеракција со синовите.
И покрај сите пречки, изворите тврдат дека децата се восхитени од нивната мајка.
„Тие немаат ништо против Бритни – ја сакаат и ѝ се восхитуваат, а Кевин ѝ верува. Сега се гледаат поретко бидејќи тие пораснаа, па кога не се дома со Кевин, обично се излезени со пријатели. Поголемиот дел од времето го минуваат во домот на татко им и Бритни некогаш ги посетува“.
Според изворите, Џејден и Шон Престон се обични момчиња кои сакаат да спортуваат и да излегуваат со пријателите, но и да ја видат мајка им среќна. Наводно, тие се запознаени со движењето FreeBritney и не го сакаат нивниот дедо Џејми Спирс.
Ова го докажува и настанот од март минатата година, кога Џејден објави Инстаграм Стори на кое кажа навредливи зборови за неговиот дедо и го нарече кретен.
Моментално пејачката се обидува да се ослободи од контролата на татко ѝ, кој управува со нејзините финансии, а огромен број фанови ја поддржуваат во тоа.
Спирова С. | Црнобело
Би можело да ве интересира:
Препорачуваме
Најчитани неделава
