„Веѓите и челото не ти се мрдаат“ - Како одговори Џеј Ло на обвинувањата дека користи ботокс?
- Детали
- понеделник, 18 јануари 2021
Џеј Ло го промовираше нејзиниот бренд за продукти за убавина Jlo Beauty со видео на Инстаграм, но се соочи со многу критики од фанови кои сметаат дека користи ботокс, па реши да им одговори.
По три години работа и подготовки, на 1-ви јануари Џеј Ло го лансираше нејзиниот бренд за убавина Jlo Beauty. Деновиве пејачката сподели видео на кое нема грам шминка и изгледа навистина одлично, и вели дека за нејзиниот изглед е должен некој од продуктите од Jlo Beauty. Но кратко по објавувањето на видеото, многу фанови почнаа да ја обвинуваат дека на нејзиното лице има „цел тон ботокс“.
„Може ли само да спомнам дека веѓите и челото не ти се мрдаат кога зборуваш или сакаш да покажеш емоција... дефинитивно имаш ботокс. И тоа еден тон“, гласи еден од најпопуларните коментари на објавата.
Ваквите коментари не се ништо ново за пејачката, а сега таа решила и да одговори:
„Тоа е само моето лице!!! По милионити пат… никогаш не сум ставила ботокс или какви било инјекции и немам правено операции. Само кажувам. Купете си нешто од JLо Beauty и чувствувајте се убаво во своја кожа. Еве уште една тајна од Jlo Beauty: обидете се почесто да бидете позитивни, добри и да ги поддржувате другите. Не трошете го времето обидувајќи се да ги омаловажувате другите. Поради тоа ќе бидете млади и убави. Ви испраќам љубов“, напишала пејачката на коментарот.
И други инстаграмџии ја обвинуваат пејачката за ботокс, но постојат и оние кои се обиделе да ја одбранат:
„Таа не пие алкохол, а ова има огромно влијание. Јас немам ниту една брчка, а имам 52 години. Не пијам алкохол, не пушам цигари и не се сончам. Возможно е. Покрај тоа, користам маслиново масло околу очите“.
„Прифати го ова како комплимент. Изгледаш толку младо што на луѓето им е тешко да поверуваат“.
Што мислите вие, дали Џеј Ло е природна како што тврди, или фановите сепак се во право?
Спирова С. | Црнобело
Би можело да ве интересира:
Препорачуваме
Најчитани неделава
