„Јас сум актерка со лице „изедено“ од акни“- исповед на сексапилната Матилда де Ангелис од серијата Undoing
- Детали
- четврток, 31 декември 2020
Сигурно и вам ви остави впечаток љубовницата од серијата Undoing. Таа е брутално секси и на ТВ екраните изгледа беспрекорно, но сега отворено проговори за несигурностите.
Матилда де Ангелис (25) е една од најжешките нови актерки. Таа остави впечаток со појавувањето во хит серијата Undoing, каде ја имаше улогата на Елена Алвес, љубовница која беше брутално убиена.
Но, италијанската убавица и покрај тоа што изгледа совршено на ТВ екраните, откри дека во секојдневието има мака со акните на лицето.
На нејзиниот Инстаграм профил таа напиша:
„Постојат работи кои не можат да бидат контролирани и оваа година нѐ научи добро. Постојат промени кои мораме да ги прифатиме, а со нив и перцепцијата на себе и на светот околу нас. Парадоксални работи се случуваат во животот, нели? Па, за мене, да бидам актерка и да работам со лице „изедено“ од акни е една од нив.
Секој ден мора да станам, да се презентирам себеси пред огледало и потоа пред камера со сиот тој емоционален товар. Морам да се концентрирам за да ги победам сите мои стравови и несигурностите околу кожата.
Постојат многу поголеми проблеми во животот и свесна сум за тоа, но сакав да ја споделам оваа мала вистина можеби за да се чувствувам посилна или да се прифатам себеси подобро“.
Матилда на ова додаде дека секој треба сам да избере како ќе се справи со стравовите во животот.
„Нашите стравови нѐ парализираат, но можат и да станат нашата најголема сила, на нас останува да изберееме и да бидеме благодарни за сите добри работи што ни се случуваат, а можеби дури и за лошите.“
Матилда моментално работи на снимањето на филмовите Across The River и Into The Trees.
Повеќе фотографии од Матилда:
https://www.instagram.com/p/CJDmBl2Bwvi/
https://www.instagram.com/p/CI72BejBsAO/
https://www.instagram.com/p/CIagCd5h8Jv/
С. С. | Црнобело
Би можело да ве интересира:
Препорачуваме
Најчитани неделава
