Даниел Крег спиел на клупи во паркови: Ѕвезди кои биле бездомници

Детали

недела, 03 јануари 2021

Кога ќе помислиме на холивудските ѕвезди секогаш на ум ни паѓаат нивните луксузни имоти, вртоглави суми на пари со кои располагаат, бесни автомобили – целиот гламур на кој се навикнати.

Но, постојат ѕвезди на кои им е добро познато како изгледа да се биде сиромашен, па дури и да се нема покрив над главата.

Ова се некои од нив кои буквално во еден период од животот биле бездомници:

Хали Бери

Кога имала 21 година живеела во засолниште за бездомници. Тоа бил периодот кога се обидувала да се пронајде во шоу бизнисот и да најде начин како да се избори за славата.

Даниел Крег

Кога имал 15 години, бил без „скршена пара“. Се преселил во Лондон каде што заработувал додека работел во ресторани, а парите ги собирал за да се запише во школа за актери. Навечер преспивал на клупи во паркови.

Крис Прат

Се преселил на Хаваи кога имал 19 години и не можел да си дозволи да плаќа кирија. Живеел во комбе покрај плажа и заработувал со привремена работа на повеќе места на островот.

Џим Кери

Кога имал 12 години неговиот татко останал без работа. За жал, морале да живеат во комбе затоа што не можеле да си го дозволат станот.

Стив Харви

Останал без дом неколку години во 80-тите. Денес е брутално искрен, гласен и гордо го кажува своето мислење.

Хилари Свонк

Живеела во својот автомобил заедно со мајка ѝ. Понекогаш преспивале во домот на пријателка, но морале да си носат душеци на дување бидејќи просторот не бил опремен.

E. П. | Црнобело