Метју Пери (51) за првпат сподели фотка од 29-годишната вереница

Детали

понеделник, 07 декември 2020

Метју Пери, актерот најдобро познат по улогата во серијата Friends, првпат сподели фотографија од неговата вереница Моли Хурвиц.

Неодамна, актерот соопшти дека тој и 29-годишната Моли се вериле, а бидејќи и двајцата си ја ценат приватноста, речиси и да нема нивни заеднички фотографии.

На социјалните мрежи, пак, профилите на Моли се приватни и оние кои не ја следат не знаат ни како изгледа. Затоа, беше вистинско изненадување што актерот одлучил да сподели фотографија од неговата сакана.

На фотографијата Моли позира со маичка инспирирана од серијата Friends, која е дел од колекција направена со цел да се соберат средства за борбата против корона вирусот.

Потоа, 51-годишниот актер сподели уште една фотографија од Моли, овојпат со бејзбол капче од истата колекција, а во описот се пошегувал дека бананата не е за продажба.

Метју и Моли се заедно од 2018 година и според извори блиски до парот, тие се навистина среќни:

„Метју и Моли веднаш се поврзаа. Моли постојано е покрај него и го поддржува, а тој е среќен што е со неа, па посака да го направи следниот чекор и да ја побара за жена. И двајцата се многу среќни“.

Прочитајте и „Не помнам три сезони од Friends“ – Метју Пери (51) го надмина алкохолизмот и ќе се венча со 29-годишната девојка

Спирова С. | Црнобело