„Зошто сум бесна што Џеј Ло се сликаше комплетно гола?“

Како мајка на 4 деца, од кои две се девојки на 16 и 20-годишна возраст, искрено сум загрижена за ефектот на овие фотографии врз самодовербата.

Моите ќерки можеби се преправаат пред мене дека се свесни за филтрите и за тоа дека овие фотографии се далеку од реалноста, но исто така знам дека длабоко во себе тие ќе погледнат во огледалото или во некое свое селфи и ќе се чувствуваат непривлечно.

Токсично е да се има профили на социјалните мрежи денес. Ги гледаме тие совршени тела секојдневно и се чувствуваме ужасно.

Замислете како се чувствува една „обична“ жена која работи или не, која е мајка или не, во менопауза или физички истоштена од обврските во домот и грижата за семејството и финансиите. Дури и во најдобрата облека и со најдобрата шминка таа уште не се чувствува доволно добро. Јас знам колку е болно тоа.

Јас имам Инстаграм профил кој ми дозволува контрола врз тоа како светот ме гледа и направив стратегија тоа да биде во сосема природно издание и да се покажам таква каква што сум.

Не користам филтер и во поголем дел од времето дефнитивно изгледам постаро од што навистина сум, односно од моите 53 години.

Преку ден не носам шминка, ми здодеа по години минати со тешка шминка на ТВ и сметам дека тоа робување на совршенството мора да престане.

Мора да признаам на моменти сум несигурна поради тоа и се плашам дека ќе загубам работни ангажмани, но длабоко во себе знам дека треба да бидам искрена кон себе. Ова сум јас. Ова се 53.

Креирањето нереалистични очекувања прави толку многу штета. Па што ако не сум фитнес фанатик, што ако не сум тонирана и не изгледам свежо? Што ако мојата кожа не сјае?

Кога ги гледав фотографиите на Џенифер Анистон се прашував кои се моите изговори за да не изгледам така и потоа ми дојде на ум дека имам други работи во животот кои ми се приоритет. Дека направив избор да не си ставам притисок на себе.

Но, потоа кога ги видов и фотографиите на Џеј Ло толку сензационална, почувствував вина што изедов пакетче чипс, но пронајдов утеха во тоа што се сетив дека и други жени ќе се чувствуваат најверојатно исто како мене.“

С. С. | Црнобело