Ева Нединковска ѝ го прослави 4-от роденден на ќеркичката во домашна атмосфера (фото)

Детали

понеделник, 02 ноември 2020

„Роденденското изненадување ѝ го спремав со ќеиф, 2-3 дена, баш онолку колку што таа се спремаше да дојде на свет и ме спремаше мене за неопислива среќа“, напиша Ева на својот Фејсбук профил.

Ева Нединковска, некогашна пејачка, а денешна сопственичка на Центарот за обука Ева, на 1-ви ноември го прослави 4-от роденден на својата ќеркичка.

Таа во домашна атмосфера со торта со Снежана, златни балони, мафини ѝ приреди изненадување на малата Ена во кругот на најблиските.

Ева на својот Фејсбук профил напиша:

„Ова е најважниот за мене ден, на Ена роденден! Има многу среќа во намерата некого да направиш среќен. Таа мене, јас неа. Роденденското изненадување ѝ го спремав со ќеиф, 2-3 дена, баш онолку колку што таа се спремаше да дојде на свет и ме спремаше мене за неопислива среќа.

1-ви ноември 2016, во 1 и 16 попладне, чудесно го поздрави светот. Претходно времето тмурно, а потоа изгреа светло сонце. Нејзиното сонце, моето сонце и сонцето на многу други. Затоа, темата овојпат ѝ е „љубов во жолто“.

Бидејќи сме умни и совесни, другарчињата ќе ги почестиме на отворено, во градинка и на хип-хоп, понеделнички. Но дома ќе имаме забава со Снежана, џуџињата, Џивџи, баба, вујче и многу музика и подароци, а роденден отвара мечето Теди и не е со празни раце.

По објавувањето на фотките од прославата Ева додаде:

„Некои матни, ама сите ни се златни. И сликнати со љубов. Анатомија на радоста. Не мора да ја студираш за да ја разбереш и владееш со срце.

Среќен 4-ти роденден, најмила Ена! Обдарена со здравје, нагиздена со насмевки и опкружена со убост да си! Слободна да огреваш и безгрижна да вирееш!“

Потсетување на музичката кариера на Ева:

Фотки од роденденот:

• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело