Никогаш не е доцна – 12 славни ѕвезди кои (повторно) станаа татковци дури и откако наполнија 50 години

Детали

сабота, 12 септември 2020

Дел од нив веќе имаа деца, а некои станаа родители за прв пат во шестата деценија од животот. Модерното време ни го потврдува токму ова – никогаш не е доцна за дечиња и годините се само бројка. 

Овие 12 славни мажи го искусија татковството на „стари години“, што секако не ги прави помалку подобри или повредни родители:

Мик Џегер

Пред 2 години, на 75-годишниот пејач на Rolling Stones му се роди дете со својата девојка Мелани Хемрик. Ова е неговото осмо дете од 5 различни партнерки.

Квентин Тарантино

Во февруари 2020 година, Квентин Тарантино стана татко за прв пат на 57-годишна возраст заедно со израелската манекенка Даниела Пик.

Сајмон Кауел

Познатиот судија без влакна на јазикот од America’s Got Talent за прв пат стана татко кога имаше 54 години. Нивниот син Ерик се роди во 2014 година, а неговата партнерка е Лорен Силверман.

Џорџ Клуни

Џорџ Клуни и Амал Аламудин се венчаа во 2014 година. На 55-годишна возраст, актерот стана татко за прв пат – во 2017 година Амал ги роди близнаците Александар и Ела.

Крис Нот

„Ѕверката“ од Сексот и градот стана татко за прв пат на 53-годипна возраст кога неговата партнерка Тара Лин Вилсон го роди нивниот син Орион во 2008 година.

Хју Грант

Првата бременост на кинеската актерка Тинглан Хонг била изненадување за 50-годишниот Грант. Таа роди ќерка, а наскоро забремени и по втор пат. Во исто време бремена била и другата девојка на Грант – телевизиската продуцентка Ана Еберштајн, која исто така родила син како и Хонг, па актерот има 3 дечиња.

Брус Вилис

Актерот стана татко по петти пат на 60 години кога со неговата сопруга Ема Хеминг ја имаа втората ќеркичка Евелин Пен во мај, 2014 година.

Ричард Гир

Единствениот наследник на актерот Хомер Џејмс Гир е роден во 2000 година, кога Ричард имал 50 години. Актерот тврди дека претходно не бил подготвен за деца.

Џеф Голдблум

Ѕвездата на Jurassic World стана татко на 62 години кога сопругата Емили Ливингстон го роди нивниот син Чарли Оушн во 2015 година.

Стив Мартин

Првото дете на sвездата се родило кога Мартин имал 67 години! Во 2012 година, неговата сопруга Ен Спрингфилд, која тогаш имала 41 година, родила девојче.

Брајан Адамс

Пејачот имал 51 година кога за прв пат станал татко на ќеркичката Мирабела Бани во 2011 година заедно со својата партнерка Алиша Грималди.

Алек Болдвин

Актерот стана татко по шести пат во мај годинава кога се роди неговиот син Ромео Алехандро. Болдвин веќе имаше наполнето 60 години.

(О)Милена | Црнобело