Се роди ќеркичката на Кети Пери и Орландо Блум - како ќе се вика?
- Детали
- четврток, 27 август 2020
Кети Пери и Орландо Блум го добија нивното прво дете – ќеркичката Дејзи Дав Блум.
Ова е првото дете на Кети, но второто на Орландо, кој веќе го има 9-годишниот син Флин, со поранешната сопруга Миранда Кер.
И пејачката и актерот се амбасадори на УНИЦЕФ, па веста ја споделија оттаму, со црно бела фотографија од нивните дланки. Тие го искористија моментот и за да ја зголемат свесноста за луѓето кои немаат услови за безбедно породување како нив:
„Пловиме во љубов и се чудиме за безбедното и здравото пристигнување на нашата ќерка.
Но, знаеме дека ние сме среќни и дека не секој може да искуси мирно породување како нас. Заедниците ширум светот сè уште имаат недостаток од здравствени работници и секои 11 секунди умира бремена жена или новороденче, најмногу од болести што можат да се спречат.
Поради ковид-19, многу новороденчиња се изложени на ризик поради зголемениот недостаток од вода, сапун и вакцини, кои ги спречуваат болестите. Како нови родители, ова ни го крши срцето, бидејќи сега се сочувствуваме со овие родители повеќе од кога било“, стои во објавата.
Во истата објава, парот наведува и дека се залага да го промени сето ова. Истовремено, тие ги замолија фановите да донираат за оваа цел, по повод раѓањето на нивната ќерка.
Парот засега нема споделено други детали од породувањето.
Спирова С. | Црнобело
Би можело да ве интересира:
Препорачуваме
Најчитани неделава
