Каде уживаат ѕвездите од „Јужен ветер“ пред снимањето на вториот дел од филмот?

Детали

вторник, 04 август 2020

Милош Биковиќ уживаше неколку дена во Хрватска пред почетокот на снимањето на Juzni vetar 2 - ubrzanje, а сега заедно со Миодраг (Бача) и Иван (Сине) се на море во Словенија, но штом екипата е собрана - наскоро може да го очекуваме вториот дел од филмот.

Филмот и серијата „Јужен ветер“ поминаа одлично, а фановите со нетрпение го очекуваат вториот дел од филмот, кој моментално почнува да се снима, а се очекува премиера на почеток на 2021. 

Главните ѕвезди од филмот, Мараш (Милош Биковиќ) и Бача (Миодраг Радоњчиќ) објавија фотки од Словенија каде уживаат во море пред снимање. 

Вториот дел на филмот го најави Миодраг на неговиот Инстаграм профил, каде објави фотка со руса коса и напиша: „Можеме ли уште побрзо? Јас мислам дека можеме. Филмот Juzni vetar ubrzanje наскоро почнува со снимање“.

Биковиќ пак, од крајот на јули уживаше во убавините на Хрватска и на Инстаграм објави неколку фотки од неговиот одмор. Женските фанови не останаа рамнодушни на неговиот шарм, а најголем дел се Русинки.

Последно, Милош и Миодраг објавија заедничка фотка од Словенија со актерот Иван Михаиловиќ, кој го глумеше ликот Сине во серијата Јужен ветер, а штом екипата е собрана, изгледа снимањето на филмот веќе е започнато.

М. М. | Црнобело