Што се случи со прстенот од 1,2 милиони со кој Бен Афлек ја запроси Џеј Ло?

Детали

сабота, 04 јули 2020

Се сеќавате ли кога Бен Афлек и Џенифер Лопез беа најозборуваниот холивудски пар? Нивната врска траеше едвај година и пол, но во тој период се случија многу нешта, вклучувајќи ја и нивната свршувачка.

Нивната врска никогаш не се претвори во брак, па можеби ќе ве интересира што се случи со вереничкиот прстен што Бен ѝ го даде на Џеј Ло.

Актерот ја запроси пејачката во 2002-ра, и тоа со дијамантски прстен кој чини 1,2 милиони долари. До 2003-та, тие ја раскинаа свршувачката, па сите почнаа да се прашуваат што се случи со прстенот на Џеј Ло, што до ден-денес ги интересира. Вистината е дека нема некоја посебна приказна за тоа.

Да се потсетиме на нивната врска...

Заборавениот холивудски пар

Бен и Џеј Ло се запознаа на сетот на филмот Gigli, а ги потврдија гласините за врската дури откако заврши снимањето. Фановите беа толку возбудени, што Бен и Џеј Ло се првиот пар кој доби заедничко име – Бенифер.

Милионскиот веренички прстен

Кога Бен ја запроси Џеј Ло, целиот свет беше изненаден, но најмногу поради вереничкиот прстен.

Актерот изјави дека отишол кај Хари Винстон, еден од најпрестижните златари во светот, и го купил најскапиот прстен што може да го најде, кој тогаш чинел 1,2 милиони долари. Прстенот е украсен со розов дијамант, кој е особено редок, и кој има шест карати.

Пејачката уште тогаш изјави дека е вљубена во прстенот, а за него зборува и денес.

Што се случи со прстенот?

Парот се раздели во 2003-та без воопшто да направат венчавка, а Џеј Ло одлучила дека најдобро е да му го врати прстенот на Бен.

Штом ја откажале свршувачката, Џеј Ло веднаш му го вратила прстенот, но интересно е што актерот никогаш не откри што направил со него.

Многу фанови се убедени дека Бен сè уште го чува прстенот, и веројатно го направил вистинскиот избор. Бидејќи станува за навистина редок дијамант, неговата вредност денес сигурно е многу поголема од 1,2 милиони што ги платил тогаш.

Како изгледаа Бен и Џеј Ло Кога беа заедно?

• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело