Алкохол, дрога: Кои познати личности ги наследија пороците од своите блиски?
- Детали
- сабота, 14 март 2020
Деми Мур вели дека не сака да се сеќава на своето мрачно детство, но сепак и таа на миг подлегна на лошите навики.
Семејната традиција е убава работа, но не и кога се наследуваат некои мрачни навики.
Многу познати личности ги наследија пороците на своите родители или ги стекнаа од своите партнери и за жал дел им ги пренесоа на своите деца.
Кога лошите навики се пренесуваат од генерација на генерација:
Роберт Дауни Џуниор
Зависноста од дрога не го спречи да биде брилијантен во низа филмски улоги, но потоа приватниот живот му настрада и беше дел од низа скандали со хероин, кокаин, оружје, а беше осуден и на казна затвор.
Актерот ја наследи слабоста кон пороците од неговиот татко, а пред неколку години и синот на Роберт Дауни беше уапсен за поседување на кокаин.
Витни Хјустон
Витни Хјустон била добро и убаво воспитано дете, но нејзиниот сопруг Боби Браун е виновен за будењето на нејзината мрачна страна. Скандалозниот брак направи нејзината ќерка да има тешко детство и веќе на 18 години да биде зависна од дрога.
Нејзината ќерка Боби Кристина Браун имаше трагична судбина кога 3 години по смртта на мајка си падна во кома од предозирање и не успеаја да ја спасат.
Бен Афлек
Борбата со зависноста од дрога и алкохол за актерот започна во 2001 година. Многу години неговата сопруга Џенифер Гарнер му помагаше во борбата, но нивниот брак не успеа да опстои.
Инаку и таткото и дедото на Афлек имале проблеми со зависноста од алкохол.
Деми Мур
Актерката ја израснале нејзината мајка и очувот, но таа вели дека не сака да се сеќава на детството. Тие постојано пиеле, се карале и завршувале во затвор.
Откако се омажи со рокерот Фреди Мур и Деми имаше проблем со зависноста од дрога, но успеа да се ослободи од лошата навика поради стравот таа да не ѝ ја уништи кариерата.
Но, имаше гласини дека и ќерките на Деми од бракот со актерот Брус Вилис биле на третмани за одвикнување од дрога и алкохол.
Еминем
Фановите на раперот знаат дека голем дел од неговата работа е базирана на спомените за тешкото детство и проблемите со неговата мајка Деби Нелсон. Во песните Еминем често ги опишува нејзините проблеми со дрогата и алкохолот.
За жал, и тој стана зависен од дрога. Сега тврди дека е чист и искрено говори дека во периодот кога бил навлечен на дрога воопшто не растел како личност.
С. С. | Црнобело