Од какви комплекси патела Меган Маркл во минатото?

Детали

понеделник, 11 февруари 2019

Денес таа им е идол на жените ширум светот. Меѓутоа, не така одамна, дамата од кралското семејство била полна со несигурности.

Бракот со принцот Хари (34) ја принуди Меган Маркл (37) потполно да ги напушти социјалните мрежи. Од друга страна, новинарите провремено успеваат да ископаат дел од архивираните белешки на поранешната глумица.

Неодамна беше откриен еден од твитовите на војвотката од Сасекс, напишан лично од неа во 2014 година, каде сосема искрено и отворено го има споделено нејзините тинејџерски комплекси со следбениците.

„Бев мошне млада и се чувствував многу лошо. Во тоа време се обидував да се вклопам во друштвото. Да им докажам дека навистина вредам. Во моето училиште имаше претставници на различни националности. Јас поради спојот на две раси, секогаш се наоѓав некаде во средина.“

Меган Маркл признава и дека секојдневно правела нешто во текот на вечерта. Учела француски јазик, или, пак, одела на часови по балет. Зошто? Одговорот е за да не биде сама.

Колегите од класот биле вклучени во разни активности, ама не и таа со нив. Сопругата на принцот Хари додава и дека долго време, бојата на кожата ѝ го попречувала развојот на кариерата.

Со текот на годините, дамата од кралското семејство научила како да живее среќно, да се сака и прифати себеси. Па, погледнете каде е сега.

М. А. | Црнобело