Два детали со кои Меган Маркл ѝ оддаде почит на принцезата Дијана на венчавката

Детали

вторник, 22 мај 2018

Меган Маркл со насмевка на лицето ѝ оддаде почит на својата почината свекрва на денот на венчавката со принцот Хари.

Меган уште во првото официјално интервју со Хари, откако ја објавија веридбата, емотивно изјави дека силно верува дека принцезата Дијана ќе го следи важниот момент во животот на нејзиниот син.

Па така, реши да ѝ оддаде почит со два клучни детали додека беше невеста:

Небесно синиот прстен кој го носеше на попладневниот прием на гости, кој очигледно е наследство од мајката на Хари.

Прстенот е изработен уште во 1997-ма година, од 24-каратно жолто злато, небесно син камен и неколку ситни дијаманти околу него.

Бидермаерот исто така го содржеше омиленото цвеќе на принцезата Дијана, како и неколку рачно набрани цветови од Хари, од дворот на Кензингтонската палата.

Подетално, во букетот имало цветови кои се традиционални и задолжителни во кралскиот букет, цветови кои означуваат среќа, сила, храброст и заштита, како и цветови кои симболизираат преданост и трпение. Секако, и омилените бели цветови на принцезата Дијана.

М. Д. | Црнобело