Британската претставничка го искоментира инцидентот со микрофонот на Евровизија 2018

Детали

понеделник, 14 мај 2018

Сури добива поддршка од фановите за начинот на кој се справила со ситуацијата, а таа вели дека на Евровизија ништо не може да ја вчудовиди.

Во саботата се одржа финалето на Евровизија 2018 во Португалија , а за време на настапот на Сури, претставничката од Велика Британија на сцената излезе маж кој ѝ го грабна микрофонот од раце.

Човекот, кој е политички активист познат како Dr ACativism, брзо беше симнат од сцената од обезбедувањето, а 29-годишната Сури храбро продолжи со настапот. Напаѓачот заврши во притвор.

На Сури организаторите на ова музичко натпреварување ѝ понудија уште еднаш да ја изведе својата песна, но таа ја одби понудата. Нејзината песна „Storm“ заврши на 24-тото место.

Фановите од цел свет, а особено од Велика Британија и порачуваат колку се горди на неа и на начинот на кој се справила со ситуацијата.

Сури се огласи на социјалните мрежи каде им заблагодари на сите за поддршката и ѝ честиташе на претставничката на Израел за победата.

I've been told the security agent who intervened last night is ok and thank goodness for that. Thank you everybody for your messages of love and support and huge congrats to @NettaBarzilai, I'm so, so proud of you x

— SuRie (@surieofficial) May 13, 2018

Нејзиниот коментар за инцидентот со микрофонот e:

„Па, јас отсекогаш велев дека сè може да се случи на Евровизија.“

Well, I've always said anything can happen at Eurovision ... ?‍♀️

— SuRie (@surieofficial) May 12, 2018

С. С. | Црнобело