Колку ќе чини свадбата на принцот Хари и Меган Маркл и каде ќе живеат потоа?

Детали

четврток, 10 мај 2018

Нивната свадба се очекува да влезе во историјата како една од топ 10-те најскапи свадби на сите времиња.

Дури и во Македонија кога ќе одлучите да направите мала свадба, сумата испаѓа и не така мала. Замислете каква е ситуацијата кога во Велика Британија ќе одлучите да направите голема свадба, поточно кралска свадба.

На 19-ти мај ќе се случи една од најочекуваните свадби на светот. Принцот Хари и Меган Маркл ќе си ветат љубов до крајот на животот.

Ова ќе биде најголемата свадба на годината и според компанијата за планирање свадби Bridebook ќе чини вртоглави 32 милиони фунти, односно малку повеќе од 36 милиони евра.

Тука се сите трошоци како: храна, цвеќе, пијалак, покани, облека, музика, обезбедување, меден месец итн.

Се предвидува дека свадбата на Хари и Меган ќе влезе во топ 10-те најскапи свадби на сите времиња. Но, се очекува дека оваа историска свадба ќе има огромно позитивно влијание брз туризмот во Велика Британија.

Инаку, се претпоставува дека по свадбата парот ќе се всели во Апартманот 1, во склоп на Кензингтонската палата, кој има 21 спална соба.

Слична транзиција направи и принцот Вилијам по свадбата со Кејт Мидлтон, кога се всели во Апартманот 1А, кој има 20 спални соби.

С. С. | Црнобело