Највпечатливите фризури и мејкап изгледи од Мет Гала 2018

Детали

среда, 09 мај 2018

Со оглед на фактот дека картата за присуство на овој неверојатен настан чини 25,000 долари, сите ние кои не можеме да си ги дозволиме тие срества, ќе се задоволиме само да ги погледнеме неверојатните изгледи на познатите кои оваа година се потрудија да останат запаметени токму преку изборот на облека, шминка и се разбира - фризура.

Темата на овогодинешната Мет Гала беше во духот на католичката религија, па така секој од познатите на себе носеше некој симбол во духот на католицизмот. Некои се одлучија за поминимален и подискретен изглед, но мора да признаеме дека најславните секогаш се трудат да не воодушеват, па и изненадат со нивниот избор.

Еве дел од највпечатливите фризури и мејкап изгледи за оваа година:

Јасмин Сандерс

Оваа убавица изгледаше неверојатно со нејзиниот златен фустан кој го комплетира со природен мејкап изглед и неверојатна плетенка украсена со црвени рози.

Оливија Мун

Познатата актерка успеа да стане вистинска сензација со нејзиниот храбар избор на фустан и мрежестиот, златен додаток за коса кој го комплетираше целокупниот изглед.

Во поглед на шминката, актерката паметно избра темно црвен кармин кој ѝ даде нота на мистериозност и софистицираност, додека златните точки покрај нејзините зелени очи направија таа да завши на овој список.

Амбер Херд

Бившата сопруга на Џони Деп знае како да го носи секој моден стил. Тоа не беше исклучок на овогодинешната гала каде во дух на темата одбра да носи додаток за коса кој потсетуваше на сонце со златните зраци.

Нејзината коса беше испрскана со златен спреј, а шминката беше исто така во тон со целокупниот изглед. Златна сенка и златен хајлајтер и темно црвени усни.

Аријана Гранде

Познатата поп дива ретко отстапува од нејзиниот мејкап и бјути изглед. И сега ја остави својата коса врзана со прекрасна прозирна пуфка, додека шминката изгледаше едноставно и во тон со нејзиниот неверојатен фустан.

Емилија Кларк

Мајката на змејовите на галата се појави со одлична кралска круна, достојна за една вистинска кралица. Шминката на Калеси беше особено интересна со нејзините нагласени розови јаболчици, темно црвениот кармин, а во преден план беа и нејзините прекрасни, природни веѓи.

Ким Кардашијан

Кога ќе помислите на најпознатата личност од шоу бизнисот секогаш на ум ви доаѓа зборот ултра секси. И покрај темата на настанот, Ким остана доследна на својот стил и се појави во неверојатно златно издание.

Нејзината фризура беше одличен додаток на светкавиот, тесен, Версаче фустан, додека нејзината шминка одлично ги акцентираше нејзините очи и усни.

Дајeн Кругер

Познатата актерка успеа да постигне одличен изглед со мрежата преку нејзиното лице. Овој неверојатен додаток навистина остави впечаток кај модните критичари. За да дојде до израз нејзината коса беше собрана во мал кок, додека нејзината шминка беше доста природна и неутрална.

Бела Хадид

Оваа прекрасна млада дама воодушеви на модниот тепих со нејзинот прекрасен фустан и исто толку прекрасен изглед. Нејзината коса фатена во прекрасен кок и долгиот додаток кој тежеше 4,5 килограми направија овој топ модел да изгледа екстра гламурозно.

Шминката исто така придонесе до нагласување на нејзините одлични контури на лицето и нејзините впечатливо зелени очи.

Ријана

Навистина нема ниту една славна личност која може да се спореди со оваа поп дива. Едноставно кога станува збор за Мет Гала, Ријана е незаменлива. Од година на година таа само покажува дека никој не може да се спореди со неа.

И овојпат тааа воодушеви со нејзиниот избор на облека, комплетиран со одлична шминка и фризура врз која ја носеше таа капа инспирирана од капите на Ватиканскиот Папа.

К. Д. | Црнобело