Како говорот на телото ја открива љубовта на принцот Хари и Меган Маркл?

Детали

сабота, 05 мај 2018

Меган Маркл е самоуверена и нема проблем со комуникацијата, а пак принцот Хари знае да биде срамежлив на моменти, тврдат експертите за говор на тело.

Сите очи се вперени кон принцот Хари и Меган Маркл и се бројат денови до кралската свадба. Секој нивни потег будно се следи од јавноста, но и од експертите за говор на тело.

Експертот за говор на тело Дарен Стентон ја анализира кралската двојка и вели дека говорот на нивните тела вреска љубов и почит еден кон друг.

„Кога луѓето се сложуваат добро како пријатели, колеги и романтични партнери, природно се случува т.н. процес на огледало и прилагодување помеѓу нив. Тоа е кога две личности започнуваат да прават исти пози, гестови и да практикуваат слично однесување. По тоа се гледа длабоката поврзаност помеѓу нив“, вели Стентон.

Од контактот на очите до начинот на кој се допираат сè говори за длабоката љубов која ја чувствуваат еден кон друг.

Стетон вели дека Меган е особено добра во комуникација и многу посамоуверена од Хари, но сепак го погледнува Хари за да добие потврда откако ќе каже или ќе направи нешто.

О друга страна, принцот на моменти знае да ја гризе устата и со тоа да покаже сигнали на трема и нервоза.

Сепак, двајцата заедно изгледаат неверојатно.

Подетална анализа на нивниот говор на тело тука!

С. С. | Црнобело